Bizkaiko Foru Aldundiak irudi korporatibo berria du. Erakundearen hitzetan, “erakundearen bizitasunaren ezaugarri gisa, haizeak puztutako haritz-hostoa”. 2002. urtean diseinatutako haritz-hosto berdea ordezkatzen duen logotipo honekin, jada garai batean Lopez de Haro etxearen otsoak kendu zitzaizkion Gernikako arbolaren armarri zaharra albo batera utzi du Foru Aldundiak. Irudiaren aldaketak web guztiak aldatzera behartuko ditu (logotipoa gaur bertan txertatu da orri guztietan, baina txaplata modura), baita Bizkaibuseko autobusetan ere.