EITB24k eman du horren berri. Eusko Jaurlaritzak Media Markt-i zigor-espedientea irekitzea erabaki du emakumeen gorputzak sexu-objektutzat hartzen zituen publizitate-kanpaina bat dela-eta. Iragarkiek “Urtebete giroa berotzen” leloa zeramaten emakume baten zangoen eta honi begira zeuden hiru gizonen ondoan.

Eusko Jaurlaritzak azaroan Media Markt-i kanpaina bertan behera uzteko eskatu zion eta konpainiak berehala erretiratu zuen. Dirudienez, iragarik hauek Barakaldo eta Donostiako saltokietan bakarrik erabili zituzten. Araban berriz, beste lelo bat erabili zuten: “Lehen urteurrena ospatzen ari gara, prezioak inoiz ez bezala biluztuta”. Jaurlaritzaren arabera iragarki hauek Gizon eta Emakumeen arteko Legea urratu lezakete. Zigorra 9.000 euro artekoa izan daiteke.